Lajme

Inspektohen 53 operatorë ekonomikë, 44 rezultojnë me mbyllje të përkohshme

Prishtinë, 08/12/2022

Inspektorati i Tregut, në bashkëpunim me Policinë e Kosovës, mbrëmë ka filluar aksionin për inspektimin e operatorëve ekonomikë, të cilët ushtrojnë aktivitetin tregtar –Mirëmbajtje Trupore ( masazha).

Aksioni u zhvillua nga Inspektorati i Tregut, në bashkëpunim me Policinë e Kosovës - Drejtoria për Hetimin e Trafikimit me Njerëz,  dhe në mbështetje të inspektorëve të Administratës Tatimore dhe Inspektoratin e Punës, me ç’rast janë inspektuar 53 operatorë ekonomikë, të cilët e zhvillojnë veprimtarinë brenda territorit të Komunës së Prishtinës .

Aksioni i datës 07.12.2022 ka rezultuar me mbyllje të përkohshme të 44 operatorëve  ekonomikë, nga 53 sa u inspektuan, për shkak të mungesës së pëlqimit/aktvendimit për plotësimin e kushteve minimale teknike.

Inspektimet do të vazhdojnë edhe ditëve në vijim dhe nëse konstatohen shkelje do të ketë masa ndëshkuese konform ligjeve në fuqi.