Lajme

Thirrje publike për përkrahjen financiare të NMVM-ve në sektorin e Teknologjisë së Informacionit dhe Komunikimit (TIK)

Prishtinë, 19/06/2025

MINT/KIESA, ka lansuar thirrjen publike për përkrahjen financiare të NMVM-ve në sektorin e Teknologjisë së Informacionit dhe Komunikimit (TIK). Shuma totale e skemës së grantit është 1,000,000€.

Qëllimi i Skemës: Të mbështeten NMVM-të që operojnë në sektorin e TIK-ut. Kjo skemë synon të përkrahë zhvillimin e qëndrueshëm, inovativ dhe të orientuar drejt tregjeve ndërkombëtare të këtij sektori në Kosovë. Skema ka për qëllim mbështetjen e NMVM-ve në sektorin e TIK-ut që paraqesin propozime për krijimin e produkteve të reja apo zhvillimin dhe përmirësimin e produkteve ekzistuese, me fokus në rritjen e mundësive për eksport.

Afati për aplikim: deri më 07.07.2025

Të drejtë aplikimi kanë NMVM-të që e kanë veprimtarinë e tyre primare ose sekondare në sektorin e TIK-ut.

Si të aplikoni: Aplikimi bëhet përmes platformës e-Kosova të Agjencisë së Shoqërisë së Informacionit (ASHI):

🔗 https://ekosova.rks-gov.net/640

Për më shumë informacione rreth procedurave të aplikimit dhe dokumentacionit të nevojshëm, mund të gjeni udhëzuesin për aplikim në Portalin e-Kosova dhe në ueb faqet e MINT dhe KIESA.

🔗 https://kiesa.rks-gov.net/page.aspx?id=1,134,972

🔗 https://mint.rks-gov.net/page.aspx?id=1,107