Jump to Main Content
Me datë 21.03.2025, Agjencia e Regjistrimit të Bizneseve të Kosovës (ARBK), e përfaqësuar nga U.D Drejtore Ekzekutive znj. Lebibe Haliti dhe Banka Qendrore e Republikës së Kosovës (BQK), përfaqësuar nga z. Ahmet Ismaili, kanë nënshkruar Memorandum Bashkëpunimi për të shkëmbyer të dhënat mbi bizneset, veçanarisht ato që janë në pronësi ose bashkëpronësi të grave, si dhe janë nënshkruar solemnisht Letrat e Qëllimit nga institucionet që do të mbështesin me aktivitete konkrete këtë nismë, për një gjithëpërfshirje dhe ndikim sa më domethënës në financa dhe ekonomi.
Më shumë
Sot, për të lehtësuar tregtinë, parandaluar monopolizimin dhe shmangur kostot e larta të testimeve laboratorike për kontrollin e cilësisë në tregun e brendshëm, Ministria e Industrisë, Ndërmarrësisë dhe Tregtisë (MINT) dhe Dogana e Kosovës kanë nënshkruar një Marrëveshje Mirëkuptimi (MoU). Kjo marrëveshje garanton që testet laboratorike do të kryhen pa asnjë barrë financiare për buxhetin e MINT-it apo bizneset, duke siguruar transparencë dhe integritet në këtë proces dhe duke përmirësuar standardet e kontrollit të cilësisë.
Në shënim të Ditës Ndërkombëtare të Gruas - 8 Marsi, Ministrja e Industrisë, Ndërmarrësisë dhe Tregtisë, znj. Rozeta Hajdari, bashkë me zv. sekretaren, drejtoreshat, udhëheqëset dhe zyrtaret e Ministrisë së Industrisë, Ndërmarrësisë dhe Tregtisë, shprehën mirënjohjen për kontributin e jashtëzakonshëm të grave në shoqëri, institucione dhe çdo dimension të jetës.
Nga data 4 deri më 6 mars 2025, Kosova po merr pjesë në Panairin Ndërkombëtar të Turizmit “ITB Berlin”, i cili po mbahet në Berlin të Gjermanisë.
Gjatë kësaj jave, me ftesë të Agjencisë për Akreditim të Mbretërisë së Bashkuar/United Kingdom Accreditation Services – UKAS, z. Irfan Lipovica, në cilësinë e UD Drejtorit të Drejtorisë së Akreditimit të Kosovës (DAK), zhvilloi një vizitë zyrtare në zyret e UKAS në Londër.
Sot, Ministrja e Industrisë, Ndërmarrësisë dhe Tregtisë, znj. Rozeta Hajdari, së bashku me Ambasadorin e Austrisë në Kosovë z. George Schnetzer dhe ekipet e agjencive KIESA dhe ADA, shënuan një sukses të radhës në dixhitalizimin e 29 ndërmarrjeve të vogla dhe të mesme - prej tyre 50% në pronësi të grave.